ЕКОЛОШКИ СРАМ- Застрашувачка глетка: Дринското езеро во Бих прекриено со ѓубре од три земји (ВИДЕО)

Дринското езеро на влезот во Вишеград буквално со денови е прекриено со тони пловечки отпад, а застрашувачките сцени се снимени и денеска.

Тони отпад, пластика, шишиња, фрлени гуми, буриња, апарати за домаќинство, корпи за отпадоци и други предмети пливаат во езерото, а се акумулираат зад бариерата за ѓубре поставена возводно од постојната брана Вишеград.

Една од најубавите европски реки е претворена во ѓубриште, а сцените не се ништо ново бидејќи проблемот е актуелен со години, особено во време на обилни врнежи и надојдени води кога се создаваат острови од отпад од различен тип во истата локација која до езерото стигна од реките и притоките од три земји, Србија, Босна и Херцеговина и Црна Гора, кои течат од водотеците и крајбрежните области од лошо уредените депонии.

Факт е и дека дивите депонии создадени покрај водотекот се резултат на целосно еколошко незнаење и човечко, но дефинитивно и невнимание на надлежните, кои очигледно не се занимаваат доволно сериозно со овој проблем.

На проблемот со пловечкиот отпад со години укажуваат еколошки активисти, рибари, љубители на реките, но и граѓани загрижени за можни епидемии.