Kовачевски: Владината поддршка и ИПАРД Програмата даваат резултати

Денеска во убавиот Ресен ја посетив фабриката „Деалтаск Фреш“, која е пример за успешна приказна во земјоделскиот сектор. Со пари од европските фондови инвестирале во модерна опрема за да имаат конкурентно производство. Во исто време се и дел од зелената трансформација на државата – инвестирале во фотоволтаици, препознавајќи ја исплатливоста на оваа инвестицијата посебно во услови на енергетска криза.

Владината поддршка и ИПАРД Програмата даваат резултати, со сигурен и веќе забрзан чекор создаваме одржливо, профитабилно и конкурентно земјоделство. Ги поддржуваме сите региони подеднакво, бидејќи сите граѓани заслужуваат подобар живот и просперитет.