ПЛАТА НАД 5 ИЛЈАДИ ДОЛАРИ – Роналдо не може да најде готвач

Кристијано Роналдо не успева да најде готвач да работи во неговата вила во Португалија, иако нуди плата поголема од пет илјади долари.

Изградбата на вилата треба да заврши во јуни, а фудбалерот планира да се всели во неа со семејството по истекот на договорот што го потпиша со Ал Наср.

Португалскиот магазин Correio da Manha наведува дека проблемот е во барањата кои ги имаат Кристијано и неговата партнерка Георгина. Тие сакаат готвачот да биде мајстор во подготовката на традиционална португалска храна, но и интернационални јадења, вклучително и суши.

Фудбалерот наводно дизајнирал „специјална“ кујна за подготовка на јапонски специјалитети во споменатата вила. Тој е исклучително пребирлив кога е храната во прашање, па многумина не се осмелуваат да одговорат на огласот.

Потсетуваме дека Кристијано и неговото семејство моментално живеат во луксузен стан во Ријад, каде една ноќ чини неверојатни 3.700 евра.