ЉУБЉАНА: Мафијашка пресметка среде улица
Убиецот е висок околу 170 сантиметри, облечен во темна облека и маскиран. Тој побегнал од местото во љубљански Вич пеш кон Рожна Долина.
Пронајдена голема сума пари
На местото на злосторството полицијата пронашла поголема сума пари. Убиениот 34-годишник од Љубљана не бил случајна мета бидејќи во април 2020 година бил застрелан од грб. Бидејќи тогаш бил вооружен, им возвратил со пукање па така се спасил.
Како што рече на прес-конференција претставникот за односи со јавност Александра Голец, полицијата била известена за инцидент во месноста Вич вчера околу 15 часот во кој е застрелано едно лице.
Убиен пред очите на малолетно дете
Полицијата на лице место пронашла тешко повреден маж, кој од тешките повреди набрзо починал на лице место. Мажот е повреден од огнено оружје, соопшти љубљанската полиција.
Според очевидци, жртвата била застрелана пред малолетно дете кое седело на задното седиште во автомобилот и гледало сè.
Застреланиот лежел на сред улица, додека маскираниот сторител подолго време ја чекал жртвата на улица.
Како што се шпекулира, убиениот бил во конфликт со словенскиот дел од кавачкиот клан.
