Бајден го прогласи 14 декември за Ден во спомен на жртвите од Сенди Хук 

Американскиот претседател Џо Бајден го прогласи 14 декември за Ден во спомен на жртвите од убиството на 20 првачиња и шест возрасни во основното училиште Сенди Хук, кое се случи точно пред десет години. Тие беа убиени од Адам Ланза, кој упадна во училиштето со полуавтоматска пушка.

Овој датум е и симболичен спомен за сите жртви од оруженото насилство во САД коe доби критични размери во изминатата деценија и пол. 

„Тие првооделенчиња денеска требаше да бидат единаесетти клас и да ја планират матурската вечер во своето школо и својата иднина“, се наведува во соопштението од Белата куќа, потпишано од Бајден. 

 – Загинатите педагози требаше да спремаат програма за новите ученици и да уживаат целосно во животот покрај своите најблиски. Наместо тоа, нивните клупи останаа празни засекогаш, нивните семејства остана со празнина во срцето, а нашата земја се лиши од честичка од својата душа. 

Претседателот годинава, првпат по 30 години, потпиша двопартиски закон за контрола на оружјето, и презеди низа извршни мерки за намалување на насилството со употреба на огнострелно оружје. Бајден застапува забрана на боево оружје и оружјето со полнење со голем капацитет. 

-Ајде да им дадеме признание за храброста на преживеаните и семејствата на жртвите, да земеме на себе одговорност да се искорени насилството со употреба на огнострело оружје, и да помогнеме на заедниците кои така силна настрадаа да се обноват, изјави Бајден.