Во Германија обвиненија за велепредавство против пет лица, планирале да го запрат снабдувањето со струја и да го киднапираат министерот за здравство
Обвиненија за велепредавство се покренати против пет лица кои наводно планирале да го киднапираат германскиот министер за здравство и, според извештаите, биле подготвени да убијат за да ја соборат германската влада, соопшти денеска германскиот државен обвинител.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Во средината на јануари 2022 година, обвинетите формирале група чија цел била „насилно да предизвикаат услови слични на граѓанска војна во Германија“ со цел да се собори владата и да се укине парламентарната демократија.
Во соопштението на обвинителството се наведува дека членовите на групата биле подготвени да ги загубат животите за оваа цел, а сите петмина од минатата година се во притвор.
Групата имала план, според кој требало да предизвикаат прекин на снабдувањето со струја за целата земја, да го киднапираат министерот за здравство Карл Лаутербах, да ги убијат неговите телохранители доколку е потребно, а потоа да свикаат собрание што ќе ја замени владата и ќе назначи нов лидер на земјата.
МИА
