Финска може да размислува за влез во НАТО без Шведска

Финскиот министер за надворешни работи Пека Хаависто рече во интервју за Yle ( финската национална јавна радиодифузна компанија) објавено во вторникот дека неговата земја може да бара да се приклучи на НАТО без Шведска , доколку на кандидатурата на Стокхолм и треба повеќе време за да се одобри.

Хаависто ги критикуваше демонстрантите во Шведска кои неодамна запалија копија од Куранот, велејќи дека тие „се поигруваат со безбедноста на Финска и Шведска “ и намерно ја провоцираат Турција да не одобри влез на нордиските земји во алијансата.

Тој додаде дека не очекува Анкара да го ратификува предлогот Шведска и Финска да влезат во НАТО барем до изборите во Турција во мај.

Претходно, турскиот претседател Реџеп Ердоган инсистираше на тоа дека не може да го поддржи влезот на Шведска во НАТО по „ грдиот чин “ во скандинавската земја, што тој го опиша како „ навреда за секој кој ги почитува основните права и слободи на луѓето, особено муслиманите “.

Во меѓувреме, САД соопштија дека двете скандинавски земји се подготвени да се приклучат на алијансата.

Шведска и Финска минатата година аплицираа за приклучување кон Северноатлантскиот договор по руската инвазија на Украина. Сега им е потребна поддршката од сите сегашни земји на НАТО за да продолжат со нивната апликација.

Во своето интервју за Ројтерс, финскиот министер за надворешни работи посочи дека е неопходна пауза од неколку недели во преговорите меѓу Финска , Шведска и Турција во врска со плановите на двете северни земји да се приклучат на воената алијанса на НАТО .

„ Потребна ни е пауза пред да се вратиме на трилатералните разговори и да видиме каде сме кога страстите ќе стивнат по сегашната ситуација, така што сè уште не треба да се донесуваат заклучоци “, рече Пека Хаависто за Ројтерс во телефонското интервју.

Финска и Шведска постојано рекоа дека планираат да се приклучат на алијансата во исто време и тоа не се промени, изјави Хаависто, исто така, за Ројтерс. „ Не гледам потреба од дискусија за тоа “, одговори тој на прашањето дали Финска потенцијално може да продолжи без Шведска.

Но, ваквото негово мислење е спротивно на изјавата дадена од него за Финската радиодифузна компанија.