По критиките, Георгина внимава со разголувањето во Саудиска Арабија

Откако Роналдо се пресели во Саудиска Арабија со семејството поради ангажманот во клубот Ал Наср, неговата вереница Георгина Родригес се соочува со многу критики за нејзината разголена облека.

Изгледа дека Георгина сепак решила да се прилагоди на тамошниот начин на живот, па на натпреварот се појави во фармерки, дрес и штикли.
Георгина го следеше натпреварот во друштво на најстариот син на Роналдо, Кристијано Роналдо Јуниор.
Нејзината Birkin чанта особено привлече внимание – овој модел чини речиси 100.000 евра.

„Престани да се фалиш со чанти и накит, подобро научи англиски“, „Може да купиш куќа по цена на оваа чанта“, „Тие чанти се прескапи, а ти имаш најмалку 10“, се само дел од коментарите.
За потсетување, вереницата на Роналдо неодамна беше гостинка на доделувањето на наградите Joy во Саудиска Арабија, кое е една од најголемите регионални церемонии за доделување награди во чест на познатите личности за нивните достигнувања.
На свеченоста Георгина даде и кратко интервју на англиски јазик, а нејзината нервоза и акцент придонесоа нејзините изјави да не бидат толку лесни за разбирање, а многумина ја исмеаја на социјалните мрежи.