„Галските петли“ ептен пресилни за Шведска!
Ракометарите на Франција ќе ѝ се спротивстават на Данска во задутрешното големо финале на СП 2023, откако вечерва во Стокхолм ја преслушаа Шведска (31-26), еден од домаќините на планетарниот собир заедно со Полска.
Тоа ќе биде дуел на селекциите што доминираат во последната деценија на светска сцена и кои имаат по две титули по ред почнувајќи од 2013 година. Французите (кои вкупно имаат шест злата) славеа во 2015 и 2017, додека Данците во 2019 и 2021 година, па ова ќе биде идеална прилика за историски хет-трик или, пак, прекинување на серијата и враќање на тронот.
