Софија со нота ќе бара безбедност за Бугарите кои ќе дојдат во Скопје за годишнината од раѓањето на Делчев
Бугарското Министерство за надворешни работи ќе испрати нота до Скопје со барање да се гарантира безбедноста на Бугарите кои на 4 февруари ќе допатуваат во земјава за одбележувањето на годишнината од раѓањето на Гоце Делчев, најави денеска шефот на бугарската дипломатија Николај Милков.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
„Клучно во моментов е да се обезбеди спокојство за Бугарите таму. Сакаме да постигнеме деескалација на тензиите“, тврди Милков.
Најавувајќи го телефонскиот разговор меѓу премиерот Димитар Ковачевски и неговиот бугарски колега Галаб Донев, за кој рече дека е токму со цел за гарантирање на безбедноста на Бугарите, Милков најави и присуство, во „минимален обем“, на претставници на Бугарската амбасада.
Проблем во сегашната ситуација е тоа што Бугарите и лицата со бугарско национално чувство во земјава „немаат доверба во основните институции“, рече тој.
Во однос на најавите за забрана за влез во земјава за европратеникот Ангел Џамбаски и одредени други лица од Бугарија, Милков рече дека доколку се случи такво нешто, тоа би претставувало настан без преседан од повеќе причини.
„Не ми е познато дека досега две земји членки на ЕУ меѓусебно си прогласиле поединци за персона нон грата. Забрана за влез на европратеници во земја кандидат ми изгледа нелогична“, рече тој.
Извор: МИА
