Формирање на Заедницата на српски општини (ЗСО) не е можно
Косовскиот премиер Албин Курти денеска изјави дека формирањето на Заедницата на српски општини (ЗСО) во Косово не е можно бидејќи тоа е спротивно на Уставот и дека Србија е таа која треба да плати отштета за војната во 1999 година.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Курти, како што пренесуваат приштинските медиуми, рекол дека Косово е мултиетничко „иако од прогласувањето на независноста, 93 отсто од населението го сочинуваат Албанци“.
„Формирањето на Заедницата на српските општини на Косово не е можно бидејќи е спротивно на Уставот. Кога прогласивме независност, рековме дека иако Косово има 93 отсто Албанци, не може да се нарече албанско, туку мултиетничко. Сега не може да се формира еднонационален сојуз бидејќи веќе ја имаме Заедницата на косовските општини. Јас сум граѓанин на Косово, кој и како политички активист и како член на опозицијата, па и денес како премиер, се обврзав и ги афирмирав сите права на малцинствата, без разлика“, рече Курти.
Тој додаде дека „Косово не може да плати компензација на Србија за изгубената војна во 1999 година, туку дека Белград мора да ја надомести штетата што му ја нанесе на Косово во однос на луѓето и материјалните добра“.
МИА
