Министерот Спасовски, горд на сите полициски службеници : Македонската полиција никогаш нема да дозволи понижување на македонскиот народ.

Горд сум на професионалноста на сите полициски службеници на граничниот премин Деве Баир.

Дозволете да оддадам признание и да упатам честитки за професионализмот и посветеноста од страна на сите организациони единици при МВР при исклучително добро реализираниот оперативен план во делот на одржување на безбедноста при чествувањето на денот на раѓањето на Гоце Делчев.

Како пред гробот на великанот Делчев кај црквата „Свети Спас”, така и на граничните премини, македонската полиција на висина на задачата успешно го спроведе овој настан од највисок безбедносен степен – еклатантен пример за тоа како постапува полиција од европски ранг.

Благодарност и до граѓаните, медиумите и медиумските работници кои имаа разбирање и на најпрофесионален начин дадоа свој придонес за навистина достоинствено чествување на великанот Гоце Делчев.

И секако како што и претходно нагласив: македонската полиција нема да дозволи понижување на македонскиот народ!

Ви благодарам!
МВР за ГРАЃАНИТЕ!

Напиша Министерот за внатрешни работи Оливер Спасовски на социјалните медиуми.

The post Министерот Спасовски, горд на сите полициски службеници : Македонската полиција никогаш нема да дозволи понижување на македонскиот народ. appeared first on Шило Магазин.