На Бен Афлек му го заглавија Мерцедесот

Бен Афлек во неделата се најде во проблеми на паркинг. Неговиот црн Мерцедес беше паркиран на улица додека пред и зад него имаше два автомобили кои беа паркирани премногу блиску до него.

Нервозен, Афлек излезе, а папараците го снимија како пали цигара, и пие кафе а потоа и бара некого на мобилен. Некои од медиумите во САД се шегуваат и велат дека имал проблеми со странично паркирање., па затоа не можел да излезе. На крајот успеа да излезе, но сепак удри во едниот од автомобилите.

Бен е познат како голем љубител на автомобилите. Неодамна беше снимен зад воланот на својот Ford Bronca, кабриолет вреден 1,9 милиони долари. Има и Lexus RX, Tesla Model S, класичен Chevrolet Chevelle SS, жолт Lamborghini Urus, Bentley Bentaygu и Dodge Challenger SRT Hellcat.