Почнете да штедите за летување: намалете ги нарачките, оброците за на работа подготвувајте ги ден претходно

Никогаш не е рано да размислувате за летен одмор. Но, заедно со сонот за одење на одмор, доаѓа и размислувањето за финансиите. Со оглед на тоа дека има уште неколку месеци до летниот одмор, време е да заштедиме за летниот одмор.

Еден од луксузите е нарачувањето на храна, па сведете го тоана минимум или целосно елиминирајте го. Подгответе го оброкот за на работа ден претходно. Договорете се со цимерот или цимерката секој нека готви на неделно ниво.

Поделете ги задачите, но и парите. Заштедата секако ќе биде видлива, а доколку имате долгорочна цел како летен одмор – ќе бидете уште внимателни.

Парите што ви остануваат зачувајте ги на крајот на месецот во касичка. Можеби ќе можете да заштедите повеќе отколку што мислевте.