Ѕвездата од „Игра на престолот“ Натали Дормер се омажи во тајност

Ѕвездата од „Игра на престолот“, Натали Дормер се венчаше со партнерот Дејвид Оукс. Медиумите пренесоа дека двајцата се венчале тајно и дека направиме интимна служба без медиумите.

„Натали и Дејвид венчавката ја држеа во тајност. Не сакаа тоа да биде голема забава, иако секако тоа беше ден за паметење“, рече извор близок до нив за MailOnline и додаде дека само сакале да го споделат денот со одбрана група луѓе и дека било прекрасна церемонија.

За потсетување, Натали и Дејвид почнаа да се забавуваат во 2019 година, откако две години претходно заедно глумеа во претставата „Венера во крзно“. Глумицата претходно беше во брак со режисерот Ентони Бирн, а се разведоа во 2018 година по 11 години брак.