Белорусија прераспоредува воена опрема и сили

– Во Белорусија денеска и утре се одржува антитерористичка вежба при што ќе бидат прераспоредени воена опрема и сили.

Воената вежба се одвива во време кога се стравува дека Русија може да изврши нови напади врз Украина од територијата на својата сојузничка, Белорусија.

Белорусија соопшти дека нема да војува во соседна Украина, но претседателот Александар Лукашенко претходно  нареди распоредување на армијата во близина на украинската граница, поради заканите од Киев и од Западот.

Белорусија и Русија формално се дел од „заедничката држава“ и се тесно поврзани економски и воено, при што Русија ја користи Белорусија како лансирна рампа за нејзината инвазија врз Украина, што почна на 24 февруари.