Ковачевски-Ескобар: Северна Македонија кредибилен партнер на меѓународната заедница

Премиерот Ковачевски вечерва во Охрид се сретна со специјалниот претставник на САД за Западен Балкан и заменик помошник државен секретар на САД, Габриел Ескобар.

Ковачевски-Ескобар: Северна Македонија кредибилен партнер на меѓународната заедница

На средбата, на која присуствуваa и амбасадорка на САД во земјава, Анџела Прајс Агелер, вицепремиерот за европски прашања Бојан Маричиќ и министерот за надворешни работи Бујар Османи, премиерот Ковачевски ја истакна поддршката на Владата на Република Северна Македонија на дијалогот помеѓу Белград и Приштина во насока на целосно утврдување на патот кон нормализација на односите меѓу Косово и Србија, соопшти владината прес-служба.

Премиерот ја нагласи важноста од изнаоѓање на решенија на сите отворени прашања во регионот по пат на дијалог.

Заеднички е констатирано дека со својата принципиелна надворешна политика базирана на дијалог и компромис во функција на напредок, Северна Македонија како домаќин на овој настан е препознаена како кредибилен партнер на меѓунардоната заедница.