(ВИДЕО) ШОЈГУ НА ПРВАТА ЛИНИЈА НА ФРОНТОТ? СЕ ПОЈАВИ СНИМКА ОД ХЕЛИКОПТЕР

Рускиот министер за одбрана Сергеј Шојгу наводно ја посетил Украина со хеликоптер каде ги посетил војниците на линијата на фронтот.

Рускиот министер за одбрана Сергеј Шојгу ги посети војниците со хеликоптер вклучени во, како што ја нарекува Москва „специјалната воена операција“ на Русија во Украина, соопшти рано утринава Министерството за одбрана, објави Министерството во апликацијата Телеграм.

Москва ја нарекува инвазијата на Украина „специјална воена операција“ чија цел е „демилитаризација“ и „денацификација“ на соседната земја. Киев и нејзините сојузници ја нарекуваат неиспровоциран чин на освојување. Министерството соопшти дека Шојгу разговарал со војниците на „линијата на фронтот ” и “командната позиција”. Сепак, не е јасно кога се случила таа посета или дали Шојгу навистина бил во Украина.

На кратко видео објавено со соопштението за печатот се гледа Шојгу во воен хеликоптер и неколку воздушни кадри, кои се чини дека се снимени за промоција на руската војска.

Најавата дојде еден ден откако рускиот претседател Владимир Путин се сретна со највисоките воени команданти, вклучително и Шојгу, каде што побара мислење од нив за тоа како треба да продолжи руската воена кампања во Украина. Во најголемиот конфликт во Европа по Втората светска војна, илјадници луѓе загинаа, милиони беа раселени, а многу градови и села беа уништени.