Медведев го коментираше обидот за пуч во Германија

Заменик-претседателот на Советот за безбедност на Руската Федерација, Дмитриј Медведев, коментирајќи го обидот за државен удар во Германија, посочи дека Германија нема целосен суверенитет над сопствената земја.

Според неговото мислење, одлуката ја носи „длабоката американска држава“ .

Германија нема целосен суверенитет на нејзино тло. Одлуките за германските енергетски, индустриски и одбранбени прашања ги носи „длабоката американска држава“ – пишува Медведев на својот канал Телеграм.

Иронично, тој го забележа и спомнувањето на вмешаноста на Русија во обидот за пуч, кој беше спречен ден претходно.

– Секако, тие навестуваат поврзаност со Русите. Како поинаку? Сите подмолни заговори, светски војни, разорни земјотреси и смртоносни епидемии се од нас. Горди сме, иако се уште не сме успеале – рече политичарот.

Потсетуваме дека дваесет и пет осомничени членови и поддржувачи на екстремно десничарска терористичка група беа приведени за време на рациите низ Германија, соопштија германското Сојузно обвинителство и германскиот министер за правда Марко Бушман .

Бушман рече дека истрагите се насочени против осомничена терористичка мрежа поврзана со добро познатото движење „Граѓаните на Рајхот“ , кое не ја признава официјалната германска влада, пренесува Дојче веле (DW).