Баерн Минхен го мерка Џонатан Дејвид како решение за нападот

Германскиот првак Баерн Минхен во летниот преоден рок сака да се засили со напаѓачот на Лил, Џонатан Дејвид.

На „Алијанц арена“ очајно е потребен напаѓач кој ќе ја пополни дупката по заминувањето на Роберт Левандовски. Обидот со Садио Мане не се покажа како добро решение, особено што Сенегалецот предизвика и немир во соблекувалната на тимот.

Токму поради оваа причина Германците сега го насочија вниманието кон Џонатан Дејвид, кој покажа сериозен потенцијал и доследност во настапите.

23-годишниот Канаѓанец игра уште една одлична сезона за францускиот клуб и тоа не остана незабележано, не само од Баерн Минхен, туку и од Арсенал, Манчестер Јунајтед, Челси, Ливерпул, Милан и Интер, кои исто така се заинтересирани за голгетерот на Лил.