Дали се туширате 5 минути или додека не „го потрошите цел бојлер“?

Докторка откри како е правилно и кога телото НЕ Е ЧИСТО

Сите имаме различни навики, но стручните совети се исти. Дали брзо се туширате, за 5 до 10 минути или сакате да уживате „додека не останете без топла вода“, прашање кое можеби изгледа безопасно. Сепак, според дерматолозите, една од овие навики може да предизвика негативни последици по нашето здравје.

„Огромното мнозинство луѓе се тушираат предолго, а тоа всушност може да ја оштети нашата кожа. Кога станува збор за времетраењето на самото туширање, се препорачува поединците да го ограничат времето поминато под туш на 10 до 15 минути. Тоа е затоа што продолжената изложеност на вода може да ги отстрани природните масла од кожата и да доведе до сувост или иритација“, вели д-р Росми Бариос.

Освен тоа, туширањето помалку од 5 минути не е доволно за чистење на телото и може да се појават разни бактериски и габични инфекции, тврдат научниците. Забележуваат колку е важно да се мие секој дел од телото, а особено посочуваат да не се заборават стапалата каде може да се развијат габични инфекции.

Кога станува збор за тоа колку често треба да се тушираме, докторката забележува:

„Што се однесува до зачестеноста на туширањето, се препорачува луѓето да се тушираат барем секој втор ден. Сепак, ова може да варира во зависност од начинот на живот и личните преференци. На пример, оние кои често вежбаат или живеат во топли, влажни области можеби ќе треба почесто да се тушираат за да одржуваат добра хигиена. Од друга страна, луѓето со сува кожа можеби би требало да избегнуваат премногу често туширање бидејќи тоа може да ги отстрани природните масла од кожата“, советува таа.