Често се будите во гола вода? Проверете дали вашето ЗДРАВЈЕ е загрозено

Експертите откриваат дека покрај високите температури, кои влијаат на будењето, има и други симптоми на кои треба да обрнете внимание бидејќи ви кажуваат дека нешто се случува со вашето тело.

Почетокот на менопаузата

Експерти од Националната здравствена служба на Велика Британија објаснуваат дека доколку се разбудите испотени, многу е можно да сте влегле во менопауза.

Околу 50-тата година кај жените се менуваат хормоните, поточно доаѓа до намалување на нивото на естроген во организмот што создава различни психички и физички симптоми.

Доколку сте во години кога веќе немате менструален циклус, чувствувате чести промени на расположението, температурата на телото ви варира и се будите препотени, не паничете, туку побарајте помош од лекар кој ќе ви препише соодветна терапија.

Несоодветни лекови

Општо е познато дека секој лек има свои нуспојави и дека на секого различно влијае. Антидепресиви, стероиди и лекови против болки се најчестите причини за треска и конгестија.

Ако чувствувате премногу потење по земањето на некој од овие лекови, контактирајте со вашиот лекар за да ја промени вашата терапија и да ја замените со друга.

Низок шеќер во крвта

Нискиот шеќер во крвта, попознат како хипогликемија, се јавува кога гликозата во крвта паѓа под дозволеното ниво. Затоа од потење најмногу страдаат дијабетичарите и луѓето кои земаат инсулин поради други здравствени проблеми.

Поради падот на шеќерот во крвта се активира адреналинот, па нивното тело „работи“ многу побрзо отколку кај повеќето луѓе. Потоа потните жлезди се стимулираат повеќе, а телото почнува да се поти за да се олади.

Појава на инфекција

Потењето во текот на ноќта може да биде знак дека вашиот имунолошки систем е ослабен и дека страда од одредена инфекција.

Тоа може да биде бактериска, вирусна или паразитска инфекција. Голем број пациенти кои имале коронавирус пријавиле потење како еден од симптомите, велат експертите.

Премногу алкохол

Друга причина зошто се будите испотени наутро може да биде консумирањето алкохолни пијалоци пред спиење.

Пиењето ги релаксира дишните патишта и го отежнува дишењето, што автоматски значи дека телото мора дополнително да се бори за да обезбеди доволно количество кислород. Како резултат на тоа, температурата на телото се зголемува и се јавува потење.

Можна појава на рак

Потењето во текот на ноќта може да биде едно од многу раните предупредувања за рак на крвта, попознат како лимфом, иако тоа е многу ретка појава, објаснуваат експертите.

Анксиозност

Луѓето кои патат од анксиозно растројство се склони кон потење, па рацете често им се испотени и студени.