(Видео) Гризман со солзи во очите се збогува со навивачите на „Метрополитано“

Антоан Гризман го одигра последниот натопревар во дресот на Алтико Мадрид на „Метропилитано“ стадионот во Мадрид. Во претпоследното коло, Гризман со капитенската лента, го предводеше Атлетико до победата над Џирона (1:0).

Во својот последен натпревар, Гризман доби шпалир од сите играчи и громогласен аплауз и овации од навивачите. Повеќето од нив не можеа да ги задржат солзите, исто како и Гризман.

Натпреварот имапе посебна симболика, Гризман го одигра 500-от натпревар во дресот на Атлетико и ја забележаа 100-та асистенција.

По неговата акција, Адемола Лукман го постигна единствениот гол во 21-та минута.

Прашање е дали Гризман ќе биде во тимот, во последната рунда, кога Атлетико ќе гостува кај Виљареал.

На крајот од сезоната, 35-годишниот Гризман го напушта Атлетико Мадрид, се сели во Орландо.

Antoine Griezmann received a guard of honor from his teammates and coaches after his final home match

Not a dry eye in the building pic.twitter.com/nBhbXBCVZz

— ESPN FC (@ESPNFC) May 17, 2026

Гризман е легенда на Атлетико. Одигра 500 натпревари за клубот. Тој е најдобриот стрелец во историјата на Атлетико со 212 голови, а додаде и 100 асистенции. Со клубот ја освои Лига Европа, Суперкупот на УЕФА и Суперкупот на Шпанија. Во клупската историја е запишан и како стрелец на првиот гол на новиот стадион „Метрополитано“.

Ова е втор престој на Гризман во Атлетико, каде што помина вкупно десет години. Првпат се приклучи на клубот во летото 2014 година од Реал Сосиедад за 34 милиони евра.

Пет години подоцна, беше продаден на Барселона за 120 милиони евра, но по две години се врати прво на позајмица, а потоа во 2023 година и трајно. Атлетико тогаш за него плати 22 милиони евра.