Инстаграм објави дека ќе им овозможи на корисниците да додадат до пет линкови во описот на нивниот профил.


Социјалната мрежа долго време ги ограничуваше корисниците кога станува збор за додавање надворешни врски во налогот, па недостатокот на флексибилност доведе до алтернативи како Linktree, што им овозможува на корисниците да додаваат линкови во нивниот „bio“.

Мета сега објави дека ќе им овозможи на корисниците да додадат до пет линкови во нивната биографија на профилот на Инстаграм, што ќе може да доведе до други содржини – како што се нивните веб-сајтови, брендови што сакаат да ги промовираат, па дури и профили на конкурентни социјални платформи.

Самата компанија вели дека оваа функција била главното барање меѓу креаторите и посочува дека ќе биде достапна за „сите сметки“, вклучително деловни и приватни.

За да го овозможите, изберете „Уреди профил“, потоа „Линкови“, потоа „Додај врска“. Таму можете да додавате врски по редоследот по кој сакате да се појавуваат.

Мета вели дека дозволува поврзување со која било URL-адреса што е во согласност со Упатствата за заедницата и Условите за користење, а врските се скенираат за да се осигура дека се усогласени со барањата.