Срцето ви лупа како лудо и постојано сте уморни? Ова се симптомите на подмолната болест која се повеќе ја имаат жените!

Хипертироидизмот се јавува почесто на возраст од 20 до 50 години, а од сè уште нејасни причини се јавува околу седум пати почесто кај жените.

Хипертироидизмот е болест на тироидната жлезда која се јавува како резултат на прекумерно производство и лачење на хормоните Т4 и Т3. Причината е автоимуно заболување на тироидната жлезда (Баседовова болест) во која од се уште необјаснети причини се создаваат антитела против рецепторите за ТСХ во тироидната жлезда, кои со врзување за самиот рецептор доведуваат до неконтролирана стимулација на клетките на тироидната жлезда, кои потоа лачат прекумерна количина на хормони.

Кои се симптомите?

Тоа се, пред сè, забрзано чукање на срцето, анксиозност, несоница, слабеење, забрзано варење, неправилни циклуси, прекумерна глад, замор…

Покрај тоа, хипертироидизмот е поврзан со егзофталмус, испакнување на очното јаболко. Егзофталмосот настанува поради хипертрофија на мускулите и масното ткиво сместени зад очното јаболко, а кај хипертироидизмот го предизвикуваат истите антитела кои предизвикуваат и самиот хипертироидизам, ТРА.

Со оглед на сите овие симптоми, на луѓето кои ја имаат оваа болест, на самиот почеток им е многу тешко да ги извршуваат сите секојдневни активности кои порано ги правеле без проблем.

Како се лекува?

Првото и најважното нешто што треба да направите е да одите кај општ лекар кој ќе ве упати на ендокринолог. Хипертироидизмот се лекува со лекови наречени тиреостатици. Тие ги блокираат ензимите кои го инкорпорираат јодот во тироидните хормони. На овој начин лековите се двојно ефикасни, го намалуваат производството и лачењето на хормоните, но и го забавуваат инкорпорирањето на јод.

Така, хипертироидизмот може да се излечи кај голем број пациенти. Меѓутоа, при лекување на хипертироидизам, многу е важно често да се контролираат тироидните хормони и прецизно да се одреди дозата на тиростатиците.