Палевски фатен со нелегално оружје како бара злато кај тунелите во Демир Капија

Љупчо Палевски бил фатен со пиштол во близина на тунелите во Демир Капија – Јаворица. Според информациите кои ги пренсе Вечер, Палевски бил затечен заедно со уште три други лица како бараат злато, и се обидел да го фрли пиштолот за кој имал само дозвола за поседување, не и за носење.

Случајот е наведен и во билтенот на МВР.

На 05.05.2023 околу 00.30 часот на земјен пат во непосредна близина на тунели Демир Капија-Јаворица, полициски службеници од Полициската станица за граничен надзор Михајлово при Регионалниот центар за гранични работи Југ од лицето Љ.П.(58) од Скопје одзеле пиштол „Валтер“ калибар 9 мм, кој го носел без дозвола, стои во билтенот на МВР.

МВР во извештајот наведува дека против него ќе биде поднесен соодветен поднесок.