Приведена припадничка на Армијата, барала 3.000 евра од кандидат за да биде примен

Во заедничко дејствување, припадниците на Службата за воена безбедност и разузнавање при Министерство за одбрана и Министерство за внатрешни работи, во координација со Јавното обвинителство вчера привеле припадничка на Армијата на Република Северна Македонија заради вршење на кривично дело поткуп.
Вработената, служејќи се со лаги и манипулации уценувала кандидат пријавен на оглас да и даде 3.000 евра за да биде примен. Кандидатот е успешен и секако ќе беше примен, а лакомата вработена е лишена од слобода, ќе го изгуби работното место и ќе биде кривично гонета исто како и нејзините соучесници. Ова нека биде порака за сите: за криминалот нема место во Армијата!, напиша министерката за одбрана, Славјанка Петровска на својот Фејсбук профил.

Таа ги охрабри сите да ги пријавуваат ваквите случаи.

-Криминалот и корупцијата ќе добијат жесток и бескомпромисен одговор, напиша Петровска.

The post Приведена припадничка на Армијата, барала 3.000 евра од кандидат за да биде примен appeared first on Шило Магазин.