Еурофарм Пелистер е новиот шампион во ракомет

Еурофарм Пелистер на едно коло пред крајот и официјално стана шампион на Македонија. Битолчани се се првата екипа која ја прекина доминацијата на екипите од главниот град Скопје која траеше скоро две децении.

Седумнаесет сезони на домашната сцена се менуваа шампионите од Скопје. Од сезоната 2004/05 Вардар и Металург водеа битката за тронот . Оваа сезона шампионот дојде надвор од главниот град.

Пелистер во 2005 година беше шампион на Македонија. За потсетување, Вардар е прв со 15 освоени титули, а сега зад него е Пелистер со седум и Металург со шест. Борец и Преспа имаат по една титула.