Лина Ѓорческа поразена во финалето на турнирот во Куршумлиска Бања

Најдобрата македонска тенисерка Лина Ѓорческа не успеа да стигне до пехарот на ИТФ фјучерс турнирот во Куршумлиска Бања, Србија. Таа загуби во финалето од руската тенисерка Јулија Андреева со 2:0 во сетови.

Ѓорческа не можеше да пронајде ритам во првиот сет и го загуби убедливо, со 6:1 во гемови, а во вториот даде посилен отпор, но на крајот Андреева го доби со 6:4.

Лина Ѓорческа сепак имаше добар настап на турнирот вреден 25.000 долари и се очекува да забележи напредок на најновиот ВТА ранкинг.