Исчезнато е 15-годишно девојче од прилепско – Секоја помош е добредојдена!

На социјалните мрежи вечерва се појави информација за исчезнато девојче од село Пешталево, општина Долнени.

Како што стои во повикот за помош, се работи за 15-годишната Ана Марија Ѓореска која се води за исчезната од вчера околу 19ч. кога последен пат била видена кај автобуска постојка во село Ропотово.

Полицијата е веќе запознаена со случајот и е во потрага по девојчето. Апелот на социјалните мрежи е споделен од Светлана Јованоска, која пишува дека девојчето во последно време било многу затворено и не комуницирало со луѓе.