Курти: Вучиќ би сакал да се врати во минатото, тоа е невозможно

Ситуацијата на северот на Косово е тензична поради акциите на Србија, изјави косовскиот премиер.

Косовскиот премиер Аљбин Курти оцени дека ситуацијата на северот на Косово е тензична поради притосоците на Србија.

За германскиот весник „Шпигел“ , говорејќи за барањето на Србија за враќање на до 1.000 припадници на нејзините безбедносни сили на Косово, тој рече дека српскиот претседател Александар Вучиќ има за цел да се врати во минатото, но дека тоа не е можно.

Според него, Меѓународниот суд на правдата (МСП) пресудил во корист на Декларацијата за независност на Косово.

Не постои повисок суд на оваа планета“, рекол Курти, пренесува Бета.

Тој додаде дека Владата што ја предводи е „загрижена за ситуацијата на северот на Косово, но внимава на моменталната ситуација“.

„Косово посилно со сојузниците“

„Европската унија и САД вршат голем притисок врз Србија да избере меѓу демократскиот Запад и Русија“, рече Курти.

Косовскиот претседател Вјоса Османи во неделата изјави дека Косово е посилно со своите сојузници.

На приемот кај дипломатите акредитирани во Косово, по повод Новата година, Османи на Твитер напиша дека на крајот на годината „се потсети на позитивното влијание што партнерството со сојузниците го имаше врз Косово и нашите граѓани“, напиша претседателот на Косово.