РОНАЛДО ДОБИВА НАЈГОЛЕМА ПЛАТА ВО ИСТОРИЈАТА НА СПОРТОТ: Меси ја слави титулата, а Кристијано брои арапски парички!

Кристијано Роналдо дефинитивно кариерата ќе ја продолжи во Саудиска Арабија.

Португалскиот фудбалер Кристијано Роналдо се согласи со условите на саудискиот клуб Ал Наср и до крајот на календарската година ќе биде претставен како нивно ново засилување, најголемо во историјата. Роналдо веќе неколку недели е слободен играч, откако беше отпуштен од Манчестер Јунајтед , а во јавноста неколку пати се споменуваше можноста тој да заврши во Саудиска Арабија за огромна сума пари – а тој момент се чини дека дојдете откако CR7 рече „да“.

Роналдо ќе потпише договор вреден 200 милиони евра годишно, пишува мадридска „Марка“, која прва објави дека португалскиот напаѓач изминативе денови тренирал во Реал Мадрид за да ја одржи формата.

Она што е интересно е што Роналдо потоа отпатува за Дубаи, каде го чека „зелено светло“ од Саудијците, а договорот се очекува да биде со важност до 2025 година. Едноставна пресметка покажува дека Роналдо ќе заработи вртоглави 600 милиони евра од Ал Наср, но целосно ќе исчезне од фудбалската мапа, доколку поради него навивачите не почнат да го следат саудискиот фудбал.

Роналдо се надеваше дека на Мундијалот во Катар ќе го добие „златниот глобус“ за кој сонува цел живот, но наместо него, тоа му успеа на неговиот ривал Лионел Меси, кој во моментов слави со своите навивачи во Аргентина .

Интересно е што Роналдо и летово беше на мета на Саудијците, но сакаше само тим кој ќе се натпреварува во Лигата на шампионите. Бидејќи не успеа да го „боксува“, против своја волја остана во Манчестер Јунајтед и се скара со сите, а откако го „плукна“ тренерот во шоуто на Пирс Морган, доби и отказ. Сега тешко може да добие договор во Европа, кој би го задоволил и него и клубот, па се очекуваше да се обиде да замине во алтернативни региони, за повеќе пари.

Се очекува Роналдо освен фудбалски да добива и плата за да биде заштитно лице на кампањата на Саудиска Арабија за Олимписките игри во 2030 година, односно за едно од претстојните светски првенства.