Владо Јаневски го распродаде првиот, и закажа втор концерт во Филхармонија

Владо Јаневски го распродаде првиот и ќе одржи втор концерт во Филхармонијата. Вториот концерт е закажан за 25 ноември од 20 часот, велат од  „Авалон продукција“. Првиот концерт на Јаневски е на 16 ноември. Насловен како  „Златни години – Најдоброто од Владо Јаневски“, Владо Јаневски ќе ги испее своите најголеми хитови.

Владо Јаневски е првиот македонски претставник на Евровизија, во Бирмингем во 1998 година, со песната „Не зори зоро“. Пред 6 години тој имаше концерт во салата „Борис Трајковски“ за 25 години од неговата музичка кариера. Влезниците веќе се во продажба од денеска, онлајн на tickets.mk и во нивната продажна мрежа низ Македонија.