Никол Шерцингер планира две свадбени прослави: Мојот дедо ќе нè венча на Хаваи

Откако вереникот Том Еванс (38) ја запроси американската пејачка и актерка Никол Шерцингер (45) на плажа во Португалија во јуни, членовите на семејството постојано прашуваат за плановите за нивната свадба.

Поранешната пејачка на „Пуси кет долс“ неодамна откри дека подготовките за венчавката напредуваат, односно планира дури две свечености.

Тие ќе се венчаат на нејзиниот роден Хаваи од страна на нејзиниот дедо Џон Ирвин Фредерик, кој е свештеник, како што објави Дејли Меил. Церемонијата за семејството и најтесниот круг на пријатели парот ќе ја организира на Хаваи, каде што е родена пејачката.

– Свадбената прослава ќе биде некаде во Европа. Освен тоа, не размислував повеќе за тоа – изјавила Никол, додавајќи дека нејзиниот брачен живот со Том ќе започне во Велика Британија по венчавката.

Тие двајца многу патуваат, водат динамичен живот и ѝ се допаѓа што нема секогаш да живеат на исто место. Пејачката се пошегува дека нејзиното семејство и пријателите ја „притискаат“ прашувајќи ја „кога ќе се случи свадбата?“.

Никол моментално е зафатена со проби во Вест Енд за мјузиклот „Sunset Boulevard“ на Ендрју Лојд Вебер, во кој ја игра улогата на Норма Дезмонд.

Таа за прв пат настапи во престижниот мјузикл „Мачки“ во 2014 година и доби номинација за наградата Оливие.

Овој пат таа не чувствува толкав притисок, но премиерата закажана за 6 јануари брзо ќе пристигне, па затоа донела само две одлуки за венчавката.

Нејзиниот вереник, рагби ѕвезда со шкотско потекло, подготовките и ги препушти на неа. За венчаницата, букетот и другите детали ќе размислува по премиерата, изјавила пејачката.