Попладневна дремка: Како само 15 минути сон го регенерира телото?

Попладневната дремка може да биде корисна за мозокот. Ова го потврдува и скромната причинско-последична врска помеѓу вообичаената дремка и поголемиот вкупен волумен на мозокот.

Закрепнувачката попладневна дремка може да биде спас кога сме преморени и се чувствуваме како да нема доволно часови во денот за сè што треба да направиме.

Зафатениот живот без дилема го зема својот данок, а кога ќе се поклопи со неколку ноќи со малку или без сон, се чувствуваме уморни и особено тогаш не сме во состојба да ги извршуваме обврските или да направиме сè што сакаме.

Одговорот на тој проблем би можел да се крие во закрепнувачката попладневна дремка од 15 минути или т.н. „power nap“.

Еден од начините на кои дремката помага е тоа што нѝ овозможува да го достигнеме очајнички потребниот сон, но влијае и на нашето помнење. Најдобриот дел е тоа што не го нарушува ноќниот сон, па затоа стравот дека нема да можеме да заспиеме навечер ако сега „украдеме“ 15 минути сон не е оправдан.

Кратката дремка, според д-р Сара Ц. Медник, експерт за спиење и авторка на книгата „Take a Nap! Change Your Life“, го ресетира нашиот систем и влијае на подобрените моторички перформанси.

Должината на дремката, која не треба да биде пократка од 15 минути, го зајакнува и нашиот мозок. Кога спиеме подолго од тоа, според зборовите на Медник, се зајакнува нашата меморија и креативноста. Дремката од 30 до 60 минути е добра за подобрување на вештините за донесување одлуки, помнење на вокабуларот или помнење на насоки.

Брзото движење на очите или РЕМ фазата на сонот од 60 до 90 минути дремка игра клучна улога во создавањето нови врски во мозокот и решавање на креативните проблеми.