Ажурирањето на iPhone е достапно за преземање, со нови функции и поправени багови.


Apple ја објави софтверската надградба на iOS 17.1 за iPhone, која сега е достапна за сите корисници на поддржаните уреди.

Ажурирањето носи подобрувања во AirDrop, повеќе опции за контрола на StandBy, нови функции за Apple Music и дополнителни опции за прилагодување за Photo Shuffle на заклучениот екран. Исто така, постојат поправки за различни багови.

These are the new features and changes in iOS 17.1!

Which one is your favorite? pic.twitter.com/fImyzCqqGG

— Apple Hub (@theapplehub) October 25, 2023

Ажурирањето на iOS 17.1 е достапно за сите понови модели на iPhone (од 2018 година наваму), а може да се преземе со одење до Settings > General > About > Software Update.

Најважниот додаток во оваа верзија на ажурирањето е подобрувањето на AirDrop, што ќе овозможи содржината да продолжи да се пренесува преку Интернет дури и кога ќе го напуштите опсегот на AirDrop, што ќе помогне да се намалат проблемите со неуспешните преноси на фајловите.

Заедно со iOS 17.1, Apple го објави и watchOS 10.1, кој ги носи гестовите со Double Tap на линијата Apple Watch и софтверот macOS Sonoma 14.1 за уредите Mac.