ФУРКАН ОБЈАВИ СНИМКИ ОД ГРАБНУВАЧИТЕ ВО ЦИТРОЕНОТ ДОДЕКА ОДАТ КОН БРАЗДА

Новинарот Фуркан Салиу, објави видео снимка, на која вели дека снимени се грабнувачите на Вања, додека патуваат кон селото Бразда, каде девојчето е убиено, а возилото запалено.

Како што вели тој во видеото, во 7 часот и 55 минути утрината, двете возила Рено кангу и Цитроен, поминуваат низ улицата број 1 во Визбегово.

„Анализирајќи ги снимките, се забележува дека во возилото Цитроен, каде што се сомничи дека била Вања, освен шоферот има уште еден човек на совозачкото место. Двајцата носат црни капи. Задниот дел на возилото е празен. Друг битен детал забележавме во багажникот на возилото. Бел објект кој што наликува на вреќа“ вели тој.

Како што вели Салиу, населбата Визбегово се поврзува со селото Бразда каде што и беше пронајдено телото на Вања Ѓорчевска.

„ Во 9 часот и 37 минути, по еден час возилото е запалено. Чадот доаѓа од истиот правец каде што е најдено опожареното возило, кое што не е далеку од локацијата каде што е пронајдено телото “ вели во видеото тој.