(Видео) Евертон ги казни грешките на Трипие – Пораз на Њукасл на Гудисон парк

Евертон го декласира Њукасл со 3:0 во 15.коло, во Премиер лигата. Со овој триумф, Евертон и покрај минусот од 10 бода, излезе од опасната зона. Зад него на табелата се Лутон, Барнли и Шефилд јунајтед.

Мечот на Гудисон парк беше решен во последните 10 минути, кога Киран Трипие им овозможи на домашните да постигнат два гола.

Англискиот репрезентативец направи две катастрофални грешки во 79. и 86.минута, кои ги казнија Мекнил и Дукуре.

Точка на натпреварот со првиот гол во Премиер лигата, стави португалскиот напаѓач Бето во 96.минута.