Димитриевски сака да остане во Рајо Ваљекано

Голманот на фудбалската репрезентација на Македонија, Столе Димитиревски, влезе во последните шест месеци од договорот со Рајо Ваљекано. Ова значи дека Димитриевски може да започне преговори со други клубови.

Рајо Ваљекано и Столе, новата година ја започнаа со победа во „малото градско дерби“, над Хетафе од 2:0.

„Среќен сум во Рајо. Имам одлична комуникација со претседателот и сите во тимот. Преговараме за нов договор, ќе видиме што ќе излезе. Ќе се обидеме да ја донесеме вистинската одлука за мене, но и за клубот“, изјави Димитриевски по натпреварот со Хетафе.

Изминатите месеци, шпанските медиуми, објавуваа информации поврзани со Димитриевски. Тие тврдеа дека интерес за македонскиот репрезентативец интерес покажале Севилја, Виљареал и Валенсија.

Столе Димитриевски го носи дресот на Рајо Ваљекано од 2018 година.