Мурињо ја прогнозира разврската во Премиер лигата и Лигата на шампионите

Жoзе Мурињо, во подкастот на Рио Фердинанд ги откри неговите фаворити за освојување на Премиер лигата и Лигата на шампионите.

Ливерпул во моментов е водечки тим во Премиер лигата со два бода, но и натпревар повеќе од Манчестер сити.

Откако малку размислуваше за конечниот одговор, Мурињо сепак му даде предност на тимот на Пеп Гвардиола. Исто така тој смета дека „граѓаните“ се еден од двата најголеми фаворити за освојување на Лигата на шампионите.

„Би рекол дека или Манчестер сити или Реал Мадрид ќе ја освојат Лигата на шампионите. Според мене би било големо изненадување доколку некој трет го крене пехарот, но јасно е дека до титулата можат да дојдат и Баерн или ПСЖ. Би сакал Лигата на шампионите да ја осови Реал, поради клубот и Карло Анчелоти“, изјави Мурињо.