Десерт кој враќа во детството: Божикни линцер колачи

Мирисот на домашните колачиња секогаш нѐ потсетува на кујната на нашата баба, кога во лимена кутија секогаш нѐ чекаа вкусни колачиња.

Направете прекрасно тесто за колачињата линцер исполнето со џем и израдувајте ги вашите најмили. Овој специјалитет најмногу се подготвува на зима, околу Нова година и Божик. Не само што се вкусни, туку и прекрасно изгледаат, па ќе ја украса секоја маса, а се достојна замена за ванилиците. Познатиот бисквит го добил името по австрискиот град Линц и тортата линцер, која се прави од кратко тесто со путер и џем.

Потребни состојки:
150 гр путер
75 гр шеќер во прав
250 гр брашно
1 жолчка од јајце
100 гр џем по желба
Подготовка:

Путерот чуван на собна температура соединете го со шеќер во прав. Потоа додадете ја жолчката, измешајте, па истурете го просеаното брашно. Замесете тесто, па ставете го на плех и покријте го со хартија за печење, па расукајте го до дебелина од 4-5 милиметри. Ставете го во замрзнувач 15 минути, а потоа извадете ја хартијата за печење и со чаша направете кружни форми. Всушност, формите можат да бидат и по желба. Половина од бисквитите оставете ги цели, а на половината направете им мала дупка на средината (или некоја друга форма). Наредете ги во плех покриен со хартија за печење и печете ги на 180°C околу 12-15 минути. Истурете го џемот во кеса за замрзнување и исечете дупка. Сипајте го врз целите бисквити во средината, а потоа преклопете ги со бисквитите со дупка. Дупката мора да биде таму каде што е џемот, за да може да се види. На крајот можете и да ги украсите со шеќер во прав.