Почина актерот Стивен Грајф, најпознат по улогата во серијата „Круна“

Британскиот актер Стивен Грајф, на публиката најпознат по улогата во серијата „Круна“, почина на 78-годишна возраст, соопшти неговиот претставник. Причината за неговата смрт се уште не е утврдена.

„Со голема тага ја објавуваме смртта на прекрасниот Стивен Грајф. Неговата богата кариера ја одбележаа многубројните улоги на малите екрани и сцената, вклучително и Националниот театар во Лондон, РСЦ и Вест Енд. Нашите мисли се со неговото семејство и пријателите“, објави агенцијата Мишел Брајдман Асошиејтс.

Последната улога на британскиот актерски ветеран беше претседателот на Долниот дом, сер Бернард Ведерил, за време на четвртата сезона на драмата на Нетфликс за британското кралско семејство, а тој може да се пофали со богата кариера на сцената и екранот, која започна во доцните 1960-тите со престижната приватна театарска група „Ројал Шекспир“.

Во однос на неговата телевизиска кариера, Грајф е главно познат на британската публика по улогата на командантот на вселената Тревис во научно-фантастичната серија Блејк 7 од 1970-тите и по улогата на сопственикот на пабот Хари Фенинг во ситкомот Граѓанин Смит. Тој се појави и во познати британски ТВ серии.

With great sadness we announce the death of our wonderful client Stephen Greif.
His extensive career included numerous roles on screen and stage, including at the National Theatre, RSC and in the West End.
We will miss him dearly and our thoughts are with his family and friends x pic.twitter.com/sYcwILCvNr

— Michelle Braidman Associates (@TeamBraidman) December 26, 2022