Кејн му донесе победа на Баерн по двата пораза

Капитенот на англиската фудбалска селекција, Хари Кејн постигна два гола за победата на Баерн од 2:1 над РБ Лајпциг во 23. коло од германската Бундеслига.

Кејн го доведе Баерн во водство во 56. минута. Во 70. минута гостите израмнија со голот на словенечкиот репрезентативец Бенјамин Шешко. Конечните 2:1 ги постави англискиот напаѓач со својот втор гол на натпреварот, кој го постигна во првата минута од судиското продолжение.

Така Баерн ја прекина серијата од два последователни пораза и по 23. коло остана на осум бода зад лидерот Баер од Леверкузен. РБ Лајпциг остана на петтата позиција со 40 бодови, бод зад Борусија Дортмунд, која има натпревар помалку.

Екипата на Унион Берлин не успеа да дојде до трета последователна првенствена победа одигрувајќи 2:2 против Хајденхајм пред своите навивачи. Австриецот Никола Доведан му донесе водство на Хајденхајм во 3. минута. Унион направи резултатски пресврт кон крајот на првото полувреме со головите на Робин Госенс ​​во 44. и Андраш Шафер во втората минута од судиското продолжување на првиот дел. Јан Никлас Бесте во 71. минута ги постави конечните 2:2.

Унион сега е на 12-то место со 25 бодови, а исто толку бодови имаат Борусија Менхенгладбах која е едно место понапред и Бохум едно место зад берлинскиот тим. Хајнденхајм, пак, моментално остана на 9-то место со 28 бодови, бод помалку од следниот Хофенхајм кој има и натпревар помалку.

Единствениот натпревар во саботната попладневна програма што не заврши со поделба на бодовите беше оној во кој Борусија го совлада Бохум со 4:2 на домаешен терен во Менхенгладбах. Почетокот на натпреварот доцнеше десет минути, поради проблеми во сообраќајот, но фудбалерите се оддолжија со ефикасност и постигнаа дури седум гола, и тоа од седум различни стрелци.

Нејтан Нгуму (29), Џулијан Вајгл (35-11 м.), Роко Рајц (72), Џордан Пефок (78) и Франк Онорат (90+6) беа стрелци за Борусија, додека Филип Хофман (75) погоди за Бохум. Кевен Шлотербек (88).

Со оваа победа Борусија Менхенгладбах со 25 бодови се израмни со Бохум, но поради подобрата гол-разлика го истисна од 11-та позиција а го мина и Унион Берлин на 12-то место, кој е сега меѓу двата денешни противници.

Дармштад освои бод на гостувањето во Бремен играјќи 1:1 против домашниот Вердер. Кристоф Цимерман во 8. минута ја испрати топката во сопствената мрежа за водство на Вердер, но Јулијан Јустван во 33. минута погоди во спротивниот гол за израмнување и бод за Дармштад.

Вердер по овој кикс моментално е седми со 30 бодови, додека Дармштат и натаму е последен на табелата со 13 бодови, десет помалку од зоната на опстанок.

Штутгарт и Келн, исто така, во саботата си поделија по еден бод. Третопласираната екипа, со 47 бодови – со кои е далеку од водечкиот двоец но и има сигурна предност пред четввртата Борусија Дортмунд – поведе пред своите гледачи во 53. минута со голот на Енцо Милот, а во 62. минута Ерик Мартел му донесе бод на Келн со кој е 17-то место со 18 бодови, и го држи местото од кое се игра плејоф за опстанок во Бундеслигата.