ШТО СЕ СЛУЧУВА? ПУТИН СЕ СРЕТНА СО ЛУКАШЕНКО два пати во последните 24 часа: Ставивме многу точки на „и“! (ВИДЕО)

Рускиот претседател Владимир Путин се сретна со својот белоруски колега Александар Лукашенко двапати во последните 24 часа за да „финализира многу прашања“, објави белоруската државна новинска агенција Белта.

Состаноците се одржаа во Санкт Петербург , утрово за време на појадокот во Рускиот музеј, како и на неформалниот самит на Заедницата на независни држави (ЗНД) вчеравечер.

„Вчера разговаравме за многу теми не само на чај, туку и доцна навечер кога се враќавме дома. Понекогаш на некои земји им требаат години да разговараат за толку многу работи за толку кратко време. Продолжувам со нашиот дијалог во Минск, бидејќи најмногу се работеше за економијата“, рече Лукашенко.

Путин утрово го покани Лукашенко на појадок за да разговара за „билатералните односи“ и други важни прашања, објави Белта.

„Иако постојано сме во контакт, одвреме-навреме се појавуваат некои проблеми, па мораме да се справиме со нив и да ги донесеме потребните одлуки за да ги решиме на поефикасен начин“, рекол Путин, пренесе Гардијан.