ФИФА првпат избра Палестинка да суди на Светско првенство за жени

Светската фудбалска федерација (ФИФА) за првпат избра Палестинка да суди на претстојните фудбалски натпревари на Светското првенство за жени.

Палестинската новинска и информативна агенција (WAFA) објави дека Хеба Саадиа ќе суди на Светското првенство за жени во фудбал во Австралија и Нов Зеланд од 20 јули до 20 август 2023 година.

Деветтото по ред Светско првенство за жени кое го организираат Австралија и Нов Зеланд, е прво во чија организација учествуваат двете земји и прво на кое ќе настапат 32 репрезентации.