Таткото на Бибер ги загрижи обожавателите на Џастин: „Молете се за нив двајца“

Стивен Болдвин загрижи многумина откако сподели објава во која бара „молитви и благослови“ за неговата ќерка Хејли Бибер и нејзиниот сопруг Џастин Бибер.

Во понеделникот, 57-годишниот актер сподели објава на Виктор Маркс, основач на„ All Things Possible Ministries“, црковна заедница во САД, во која се прикажува видео од славната пејачка како свири гитара и ја пее песната I Could Sing of Your Love од Hillsong Worship.

„Христијани, ве молам, кога ќе помислите на Џастин и Хејли, одвојте малку време и молете се за нив, за нивната мудрост, заштита и да се приближите до Господ“, напиша Маркс во објавата. Во натписот, Виктор истакна дека неговата сопруга Ајлин Маркс и мајката на Хејли, Кенија Болдвин, „често се молат заедно“ за младиот пар.

„Постојат посебни предизвици со кои се соочуваат луѓето на високи позиции, а во исто време непријателот не сака тие да се доближат до Исус“, посочи тој. „Без оглед на материјалните работи или признанијата, тие често се соочуваат со духовна војна која е интензивна и настојува да ја уништи нивната вера, брак и животот воопшто. Ви благодариме за вашата помош“, продолжи тој во објавата, како што пренесува „Page Six“ .

Иако Стивен ја сподели објавата на својот Инстаграм, тој не понуди дополнителен контекст за тоа низ што минуваат Хејли и Џастин. Меѓутоа, обожавателите се загрижија за двократната добитничка и модел на Греми, како и за состојбата во која се наоѓа нивниот брак и почнаа да пишуваат бројни коментари исполнети со молитва.

„Ним им требаат нашите молитви повеќе од кога било“, стои во еден од коментарите под објавата, иако контекстот на нивните проблеми никогаш не е разјаснет. Парот последен пат беше виден на овогодинешниот Супербоул, кога Џастин требаше да настапи за време на полувремето, но тој одби бидејќи „не сметаше дека треба да настапи“.

Инаку, на пејачот му бил дијагностициран синдромот Рамзи-Хант, кој освен болен осип, може да предизвика и парализа на лицето и губење на слухот.