МВР: Нема пропусти во постапувањето на полицајците во случајот со Вања и Панче

Нема пропусти од страна на полицијата во истрагата за пронаоѓање на сега починатите Вања и Панче минатата година. Ова го потврди одделот за внатрешна контрола, криминалистички истраги и професионални стандарди при МВР, на барање на министерот за внатрешни работи Панче Тошковски. Од МВР велат дека извршени се проверки во СВР Скопје и СВР Велес.

„Ја информираме јавноста, со оглед на тоа дека извештајот е класифициран, утврдено е дека не постојат основи за покренување на дисциплинска постапка, а воедно, до Бирото за јавна безбедност при МВР се упатени задолжителни мерки да се донесат нови процедури и упатства за постапување“, велат од МВР.