Празничен раскош во замокот од 50 милиони евра, Драгана Мирковиќ конечно покажа каде живее со Тони

Синот на Драгана Мирковиќ привлече големо внимание во јавноста кога отвори профил на Инстаграм и ја отвори „вратата“ на приватниот живот.

Синот на Драгана, Марко Бјелиќ преку ноќ стана ѕвезда на социјалните мрежи, но и предмет на интерес на многу девојки.
Пејачката сега ги коментираше наводите дека за Марко се интересирале и некои нејзини колешки.

– Не навлегувам и не следам таков тип на настани. Син ми изгледа убаво, и тоа е во ред, но прво и основно е квалитетен млад човек. И девојките треба да го сакаат.
Што се однесува до колешките, не знам. Кој и да влезе во неговиот живот е апсолутно добредојден за мене, сѐ додека е квалитетен и добар човек.
На прашањето која колешка би сакала за снаа, Драгана одговара:

-Тоа е прерано прашање бидејќи тој само во февруари полни 22 години, рано е за снаи. Кога ќе има некоја вест, ќе ве известам. А и да не ви кажам, ќе дознаете.
Сопругот на Драгана Мирковиќ, Тони Бјелиќ неодамна изненади со својата физичка промена.
Имено, Тони неодамна ослабе многу, додека многумина беа загрижени за неговото здравје, бидејќи се работи за драстично слабеење за многу кратко време.

Пејачката во оваа прилика објави дека нејзиниот сопруг успеал на здрав начин да ослабе 30 килограми.
„Изгуби 30 килограми. И тоа природно. Ја промени исхраната. Работеше напорно, но вредеше”, изјави таа за Еспресо.

Празничен раскош во замокот од 50 милиони евра, Драгана Мирковиќ конечно покажа каде живее со Тони

Драгана неодамна на својот Инстаграм профил објави нивна заедничка фотографија на која наиде на многу комплименти. Тони е непрепознатлив на прв поглед поради драстичната промена.
Двајцата важат за еден од најхармоничните парови, а пејачката истакна дека е горда на својот сопруг и резултатите кои ги постигнал, мислејќи на слабеењето.

Таа неодамна изјави дека во нивниот брак нема место за расправии, и дека не се сеќава кога последен пат се скарале.
„Не знам одговорот на прашањето кој прв попушта во расправија, бидејќи во нашата куќа нема повишен тон и не се сеќавам кога сме се скарале последен пат. Подобро е да не зборувам за тоа бидејќи јас не знам дали луѓето ќе ми веруваат“, рече таа.

Замокот Ебенфурт во близина на Виена е оаза на мирот за Драгана Мирковиќ, која годинава за првпат таму го прослави Божиќ.
Огромна новогодишна елка висока повеќе од два метри се наоѓала во центарот на огромната сала за бал, а било одлучено елката да се накити со бели лампиони.

За да го украси новото дрво, Драгана морала да се качи на скала. Таа од радост ги украсила трпезаријата и кујната во црвени тонови, а на своите следбеници на Инстаграм им посакала среќни празници.
„Среќни празници драги мои! Бидете живи, здрави, среќни, сакани и сакајте се бескрајно! Ве сака вашата ДМ”, напишала Мирковиќ со видеото од нејзиниот прекрасно уреден дом.

Да потсетиме, еден од најинтересните факти за замокот е тоа што некогаш бил дом на Марија Тереза, која често престојувала таму кон крајот на 17 век.
Зборувајќи за својот луксузен имот, Драгана еднаш истакна дека не знае колку соби има, но познато е дека замокот има дури 235 прозорци.

– Не знам точно, но ги има многу. Има и огромни сали кои зафаќаат цело крило, а некои дури и две. На вториот кат, во делот на замокот каде што планираме да живееме, има голема сала за бал.
Сакаме дел од првиот кат да го претвориме во музеј и да го отвориме за посетители и училишни екскурзии, но немаме намера да наплаќаме влезница.

Неопходна е и реставрација на сликата на таванот, за што е потребно време, за што ќе бидат задолжени вистински уметници – изјави во една прилика Драгана.
Таа и нејзиниот сопруг Тони заедно ја уредувале внатрешноста на замокот, а тој најмногу се занимавал со изборот на мебел.

Тој посочува дека предметите најмногу ги купувале во Италија, но не избрале конкретен мотив или тема, туку што им се допаднало во одреден момент.
Таа е особено горда на бањата која е целосно украсена со Сваровски кристали, со антички мотиви и комода од Версаче.