УКРАИНА КУПИ ОКОЛКУ 1.400 ДРОНОВИ: Киев презема иницијатива, планира да изгради ЛОВЦИ за руските беспилотни летала

Украина купила околу 1.400 беспилотни летала, главно за извидување и планира да развие борбени модели кои ќе можат да ги напаѓаат беспилотните летала на руската армија, изјави украинскиот министер за дигитална трансформација Михаило Федоров.

Во интервју за Асошиејтед прес, Федоров ја опиша руската војна против Украина како првата голема војна во ерата на Интернет, велејќи дека беспилотните летала и сателитски интернет системи како Starlink на американскиот милијардер Илон Маск помогнале да се трансформира конфликтот.

УКРАИНА КУПИ ОКОЛКУ 1.400 ДРОНОВИ: Киев презема иницијатива, планира да изгради ЛОВЦИ за руските беспилотни летала

Украина купи беспилотни летала како што е Fly Eye, мало беспилотно летало кое се користи за собирање разузнавачки информации, надзор на бојното поле и извидување.

„Сега кога повеќе или помалку сме опремени со извидувачки дронови, следната фаза се нападни беспилотни летала. Тоа се дронови кои експлодираат и дронови кои летаат од три до 10 километри и погодуваат цели“, рече Федоров.

Руските власти известија за неколку напади со украински беспилотни летала врз нивните воени бази во последните недели, вклучително и оној во понеделникот, кога руските сили соопштија дека собориле беспилотно летало што се приближувало до воздухопловната база Енгелс, на повеќе од 600 километри од украинската граница.

Федоров, исто така, укажа на важноста на мобилните комуникации и за цивилни и за воени цели за време на војната, наведувајќи дека најпредизвикувачките места за нивно одржување биле регионите Доњецк, Запорожје, Одеса и Киев.

Тој рече дека понекогаш функционираат помалку од половина од кулите за мобилни телефони во Киев бидејќи руските воздушни напади ја уништиле или оштетиле инфраструктурата што ги напојува.

Украина има околу 30.000 кули за мобилни телефони, а владата сега се обидува да ги поврзе со генератори за да ги одржува во функција кога руските воздушни напади ќе ја оштетат електричната мрежа.

Засега единствена алтернатива се сателитски системи како Starlink на Маск, на кои Украинците би можеле повеќе да се потпираат доколку прекините на струјата станат подолги.

„Треба да разбереме дека во тој случај Starlink системите и кулите поврзани со генераторите ќе бидат основната интернет инфраструктура“, рече Федоров.

Многу украински градови и населени места се соочуваат со прекин на електричната енергија што трае до 10 часа.

Федоров, исто така, рече дека украинскиот претседател Володимир Зеленски потпишал декрет со кој им наредува на компаниите за мобилна телефонија да обезбедат постоење на сигнал без електрична енергија во период од најмалку три дена.