Халанд е чудесен – го сотре Лидс и испиша историја во Премиерлигата (ВИДЕО)

Норвешкото чудо од дете, Ерлинг Браут Халанд со два гола го сотре Лидс (3-1) за да испише историја во Премиерлигата, откако дојде до 20 гола досега во англиската елита и за тоа му требаа само 14 меча.

Халанд во 13 минути даде два гола, прво во 51-та минута, а потоа во 64-та, благодарение на две асистенции на Џек Грилиш, па испиша историја зашто никој побрзо во историјата на англиското елитно друштво не успеал да дојде до 20 погодоци. И Халанд во оваа 2022 година има неверојатна статистика – 45 гола на 42 официјални мечеви. Само како надополнување дека е вистински ѕвер и машина за голови.